بسم الله الرحمن الرحيم
أقدم لكم هذا الشعر الجميل عن الأب الغالي الذي لا أحد ينسى جهده وتعبه من أجل أن يوفر لأولاده كل شي بقدر ما يستطيع
أترككم مع الشعر
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
قصيــدٍ مارحـل يمك ولا جاك
يبقى حكي فاضي ولا فيه مضمون
انت الوفي يوم الوفا من سجاياك
وانت الغلا يوم الغلا فيك مجنون
وانت العزيز اللي على العز مرباك
وانت القصيد اللي على القاف موزون
وانت (ابوي) اللي عن الناس فرقاك
تكوي صميم القلب والقلب مبنون
وانا (يبا) بنتـك وطيبك ويمناك
وانا (يبا) فرحك اذا القلب محزون
وانا اللـي بالغـلا من رعاياك
وانا اللي بالمعاسير لك عون
تسلم لي اخذاتك وتسلم عطاياك
وتامر على قلبي وانا اقول ممنون
يحلا الكلام اللي طلع من شفاياك
ويصير لك روح وايدين وعيون
(يبا) ابي عطفك وقربك ولا ماك
وابيك لي ضحكة اذا الناس يبكون
لانك الوحيد بقلب بنتك ولا جاك
منهو يغير المكانـه بها لكـون
منقول
الأربعاء سبتمبر 10, 2008 6:17 pm
